Google зменіць фармат прыкладанняў для Android

Гэта не тычыцца толькі некаторых прадуктов, такіх як прыватныя карпаратыўныя прыкладанні. Усе астатнія патрапяць пад змены.

Google аб’явіў змены цяперашняга фармату Android-прыкладанняў APK на новы – AAB. Android App Bundle быў афіцыйна прадстаўлены яшчэ ў 2018 годзе. Пра гэта гаворыцца ў блогу кампаніі.

З жніўня 2021 года ўсе прыкладанні, загружаныя ў краму лічбавага кантэнту Play Маркет, будуць у фармаце AAB. Гэта дазволіць аптымізаваць прыкладанне пад розныя прылады.

Распрацоўшчыкі сцвярджаюць, што падчас загрузкі любога прыкладання ў фармаце AAB на прыладу карыстальніка будуць загружацца толькі файлы, прызначаныя канкрэтна для гэтай мадэлі прылады. Такім чынам, прыкладанні будуць займаць на 15% менш месца, чым раней.

Таксама ў Google паведамляюць, што цяпер больш за адзін мільён прыкладанняў выкарыстоўваюць новы фармат AAB. У тым ліку Twitter, Netflix, Gameloft, Adobe і Duolingo.

Акрамя гэтага, з жніўня пашырэнні вялікіх файлаў OBB заменяцца на Play Asset або Feature Delivery.

Крыніца: 9to5google.com